٢٠ مارس ٢٠٠٩

سؤال فلسفي سفسطائي غالبا من نوعية الأسئلة اللي مالهاش رد

اضغط على الصورة للتكبير

هل انت عبقري؟... حالتك النفسية هتمشي مع اي اغنية؟... اختبار مارتن (مش عارف مين مارتن ده) لتحليل الشخصية.... واختبارات اخرى يمتلئ بها الفيس بوك


السؤال بقى: هو ليه بعد ما نزل الاصدار الجديد من الفيس بوك الصفحة الرئيسية بقت مليانة باخبار عن الاختبارات اللي زي كدة اللي اصحابي حلوها؟

هل ده حصل لأنه اصحابي كلهم قرروا فجأة انهم يحلوا كميات مهولة من الاختبارات دي في نفس الوقت؟

ولا ده ليه علاقة بالشكل الجديد للموقع اللي بيركز على اخبار النوعية دي من الاختبارات اكتر من اي اخبار تانية؟

وليه انا لما ده حصل رجعت احل الاختبارات دي مع اني كنت مقرر اني مش هاحل اي واحد منهم تاني؟

هل ده يرجع لاني بقيت كل يوم باشوف اخبار بكميات مهولة عن اصحابي اللي حلوا الاختبارات دي؟

ولا ده بسبب ان الشكل الجديد للموقع بيدفع الواحد من خلال اللا وعي انه يحلها غصب عنه (نظرية المؤامرة)؟


شوية هبل ع الماشي

:)

سلام

© مش عارف - Template by Blogger Sablonlari