قصيدة سياسية وربنا يستر
قال الريس
آل الريس
هما الحكما
وهما الزعما
أصله بيحكم شعب كويس
أعمى وسايب أمره لأعمى
شعب متيس
شعب مهيس
سارح تايه جوة الزحمة
ولا بيفكر ولا بيقرر
بس بيسأل ربه الرحمة
مش لاقي يشرب مش لاقي يهرب
مش لاقي ياكل عيش ولا لحمة
شعب بيمشي جوة الحيط
وبيحمد ربه على النعمة
نعمة إنه ما شافش الحرب
ويقول دي من الريس حكمة
ويقولك ريس غلبان
والوزرا بتوعه حرامية
ضحكوا عليه وعلينا كمان
ضحكوا عليه وعليك وعليا
ويقولك ريس شبعان
لو جه غيره راح يسرقنا
يسرق ينهب بالأطنان
ويحول في سويسرا عرقنا
لو وزراؤه ضحكوا عليه
يبقى مغفل لازم يمشي
وإن كان غيره راح يسرقنا
طب ما هو جاي اليوم وهيمشي
يمشي يقابل رب كريم
واحنا هنبقى في علم عليم
نرجع تاني نقول الرحمة
ويضيع منا العيش واللحمة
علشان تهنا في وسط الزحمة
وآمنا إن الريس نعمة
6 Comments:
هههههههههههه
دى بجد بجد تححححفه
عجبتنى قوى وكنت ماشيه مع ايقاعها
بجد لو لقيت حد يلحنها هاخدها اغنيها على طول
متهيألى هاتبقى حلوه اوى لو راب
ولا ايه رأيك؟؟
ميرسي يا فندم
لو عرفتي حد يلحنها لحنيها
اما بقى موضوع الراب ده فانتي ادرى مني بيه
هممممم
رميتلى الكوره فى ملعبى يعنى
طب تمام قوي
هاحطها فى دماغى واشوف
ولو فيه جديد هابلغك
ok ya fandem
wallahy mesh 2sdy army el kora fe mal3abek bs enty ashtar menny fe el music
w ma3lesh el gehaz elly bakteb meno now english only
هاتولي الواد ده حالا الواد دا يبات في التخشيبه النهارده
نقلا عن أ .د
سلامو عليكو
بعيدا عن الموضوع
ياريت تشاركوني في موضوع علي مدونتي
وتنشره معانا
تحياتي
إرسال تعليق