٢٢ مارس ٢٠٠٧

ملهمتي


شاكر

وقلبي ذاكر

وعيناي تؤمنان

يا من كنت لي في الدرب سندا

الروح جاورتني

والقلب استشعرني

رغم ما بيننا

شق علي الأمر

فمتى تأتين؟

14 Comments:

smraa alnil يقول...

انا مش كنت اعرف انك بتكتب حلو اوي كدة
بس قولي بقي يا بيدو هي مين دي اللي انت شاكر ليها ددي

بس تأكد انها هتأتي
خليك واثق من كدة

Abd El Rahman Magdy يقول...

سمراء

دايما كدة سباقة ما حدش بيعرف يسبقك في التعليقات
أولا: شكرا ليكي انتي كمان بتكتبي حلو قوي
ثانيا: شكرا ليكي (طبعا انتي عارفة ليه)
ثالثا: هي مين؟ هي واحدة عايشة معايا في خيالي، ما بتفارقنيش دايما، نفسي ألاقيها، ويا رب تيجي
شكرا كمان مرة

raspoutine يقول...

اسلوبك جميل وحلو اوى مع انى كنت اتمنى انك تطول فى الكتابه شويه عشان

تحياتى ليك

ايمن فاروق

Abd El Rahman Magdy يقول...

الصديق أيمن

شكرا ليك
أنا كمان كان نفسي إنها تكون أطول لكن هي جت كدة أعمل إيه بقى
خالص شكري وتحياتي

vetrinary يقول...

كنت متوقع حاجه اقوى

Abd El Rahman Magdy يقول...

إن شاء الله المرة الجاية تكون أقوى
لكن أنا كمان كنت أتوقع منك نقد أكثر بناء
الأفضل إنك بدل ما تقولي إن إنت كنت تتوقع حاجة أقوى كنت تقولي اللي عجبك واللي ما عجبكش وعجبك ليه وما عجبكش ليه
شكرا ليك على اهتمامك

أحمد سلامــة يقول...

فمتى تأتين؟
تساؤل تحفه تحفه
مستواه عالي قوي
ومن غير ما أقصد أقحم نفسي
كان عنوان اقوي للبوست
تحياتي

vetrinary يقول...

انا مكسوف اتكلم عن القصيده
بس انتا اللى طلبت انى اتكلم
اولا لفظ شاكر اللى انتا بدات بيه القصيده بتاعتك اسم فعل بسيط بيدل على شكر قليل
على فاعل
فى اقوى كان ممكن انك تجيب الاسم فعل على وزن فعيل او فعول
ده اذا كنت تحب تستخدم اللفظ ده بالذات معغ انه مش مريحنى واناشايف
ان الاستهلال هنا ضعيف

وقلبى ذاكرالجمله متكلفه
ودخيله على ما قبلها وما بعدها
......
معلش انا مش هكمل
واسف بس انا فعلا عاوزك تعرف حاجه
فى حاجه اسمها وزن
الشعر كلام موزون
وفى بحور وشغل عروض قوى اوى لازم تعرفه الاول

Abd El Rahman Magdy يقول...

أحمد سلامة

شكرا ليك
هو العنوان جه كدة لوحده
إن شاء الله المرة الجاية يكون أحسن
...............
vetrinary

شكرا ليك على النقد
أولا: بالنسبة لكلمة شاكر دي معاك حق فيها
ثانيا: أنا ما كتبتش ده على إنه شعر دي مجرد خواطر نثرية عادية وأنا مش من أنصار الشعر العمودي بل على العكس تماما أنا باحب الشعر العربي القديم اللي فيه وزن وقافية وعروض وبما إن ما درستش العلوم دي فما باكتبش شعر
ثالثا: أما بالنسبة لجملة قلبي ذاكر يا ريت توضحلي ازاي هي متكلفة لأني مش شايف ده
الجملة تعبير عن إني هاحفظ فضلها وجميلها علي طوال العمر
شكرا ليك مرة تانية

david santos يقول...

Hello!
Thank,s for you work and have a good weekend

Abd El Rahman Magdy يقول...

david santos

thanks
good day 4 u too

MoHaMeD HoSSaM يقول...

حتيجى يا معلم لا تقلق كل يوم بيتولد 1000000 فى مصر اكيد حتبقى واحدة منهم

Abd El Rahman Magdy يقول...

محمد حسام

هاستناها بس يا ريت هي ما تتأخرش

catroz يقول...

كلمات بسيطه اووى..بس معناها حلو اوى برضه..بحب انا الحاجات دى
و هتيجى اكيد قريب جدا...و على فكره..اكيد هى كمان بتدور عليك..:) قريب هتلاقيها

© مش عارف - Template by Blogger Sablonlari