حاجات ارتبطت عند معظم جيلنا بـ 6 أكتوبر
1. يوم أجازة من المدرسة :))
2. فيلم الطريق إلى إيلات
3. فيلم الرصاصة لا تزال في جيبي
4. مؤخرا فيلم أيام السادات
5. الله أكبر بسم الله بسم الله... أذن وكبر بسم الله بسم الله
6. طبعا وأكيد صاحب الضربة الجوية الأولى :)) هو اللقب ده بيتورث ولا لأ؟؟؟
يلا... اللي عنده حاجة تانية يضيفها عشان نجمع أكبر عدد من الذكريات
6 Comments:
مش عارف بس فعلا انا اكتر ذكرى ليا مع اليوم ده انه اجازة من المدرسة وياسلام لما كنا ناخد معاه يوم تانى او يومين
وبردو المشاعر الوطنية والإفتخار بأن انا مصرى لمدة 24 ساعة وبعد كدة الناس عارفه الحال
عبدالله عرام
طبعا طبعا اجازه من المدرسه دى اول حاجه :))
و بيجى عندنا عمتو وننا وجدو :) وبيعدو يفتكرو الايام دى ويحكو..واحنا نسمع بتركيز شديد...وبليل الحفلات الى كانت بتتعمل..واغانى على الحجار ومحمد الحلو الى فيهازى (الجندى المصرى يشق السما ..والله اكبر) ..وكل الاغانى دى,
والطريق الى ايلات..والرصاصه برضو.
طولت عليكو...بس عندى سؤال
ليه مبقتش الفرحه بالاحتفال بيوم زى ده موجوده زى قبل كده؟!؟!
الاطفال الصغيرين مش حاسين باحساسنا زمان..وده بيقتل اى حاجه جواهم ناحية بلدهم..انا بصراحه محبطه
حتى الذكرى..مبقيناش نفرح بيها!!وبقينا بنكتفى بانتصاراتنا الكرويه...
Marmora El-Semary
هههه
مصري لمدة 24 ساعة بس؟؟؟
ما شاء الله يا عرام
وهو ايه اللي بقى زي زمان يا مرام
هي الانتصارات الكروية دي نوعا ما بتحفظ مشاعر الناس ناحية بلدهم بس محتاجة شوية تنمية وتوجيه
أما بقى ليه ما بقيناش بنفرح بالذكرى فده سؤال ما عنديش رد عليه
انا ببقى مصرى لمدة 24 ساعة انما بعد كدة مصرى وابويا مصرى وسمارى ولونى مصرى
عبدالله عرام
شركة مكافحة النمل الابيض بالقطيف
شركة تسليك مجاري بالقطيف
شركة تنظيف مجالس بالخبر
إرسال تعليق